Nyuma ya byinshi byavuzwe ko ubuyobozi bw’Umujyi wa Kigali bwihanye AS Kigali busanzwe bubereye Umufatanyabikorwa mukuru, Ubuyobozi bw’uru rwego bwatanze ubutumwa bwibutsa ko bukiteguye kuyishyigikira muri gahunda zose.
Kuri uyu wa Gatanu, ni bwo Umuyobozi w’Umujyi wa Kigali, Dusengiyumva Samuel n’abandi bafatanyije, yakoranye inama na Komite Nyobozi ya AS Kigali. Ni inama yibanze ku ishyirwa mu bikorwa ry’amasezerano y’ubufatanye hagati y’impande zombi ndetse n’ingamba zo gufasha ikipi kwitabira Shampiyona y’umwaka utaha w’imikino 2025/2026.
Biciye ku rukuta rwa yo rwa X, Umujyi wa Kigali wemeje ko ukomeje gushyigikira AS Kigali mu bikorwa byose bya yo birimo kwitabira amarushanwa ategurwa n’Ishyirahamwe ry’Umupira w’Amaguru mu Rwanda, Ferwafa n’andi yose abera mu Rwanda.
Uretse gushyigikira iyi kipe, aba bayobozi bemeje bakomeje gushyigikira imikino binyuze mu nkunga uha amakipe ane mu mupira w’amaguru arimo AS Kigali abagabo n’abagore, Kiyovu Sport, na Gasogi United ndetse n’andi makipe abiri mu mikino y’amaboko arimo Espoir Basketball Club na Kigali Volleyball Club.
Aba bakomeje bavuga kuva mu 2020, Umujyi wa Kigali umaze gukoresha ingengo y’imari isaga miliyari (1.000.000.000 Frw) mu gushyigikira AS Kigali gusa.
Abari mu nama baganiriye ku bibazo AS Kigali yagaragaje bijyanye n’amikoro n’uburyo bwihariye bwo gukoresha ubushobozi buhari muri Shampiyona, ndetse n’ingamba nshya zo kuzamura umusaruro uturuka mu ruhare rwa wo muri siporo.
Umujyi wa Kigali wavuguruje amakuru yavugaga ko watereranye AS Kigali, wemeza ko uzakomeza gushyigikira iterambere rya siporo muri, cyane cyane mu kuvumbura impano (talent detection) no kuzamura abato bafite impano bo mu mirenge iwugize.
UMUSEKE.RW
NU BUNDI BIZARANGIRA IVUYEHO BURUNDU NKA ATRACO UMUGYI WA KIGALI UFITE IMISHINGA MYINSHI IRUTA GUTAKAZA CASH MURI TEAM NKA AS KGLI IDAFITE ABAFANA IMARA AMEZI 8 IDAHEMBA NI MUYIHUZE NA KIYOVU MU MENYE CASH MUZAGYA MUHA KIYOVU MURUHUKE MUBIVEMO NTA MWANYA MUFITE. ABAYOBORA AS KGL NU KUCYATSA GUSSA NTIBAYIKUNDA NI BYUBAHIRO BADHAKA GUSSA MU GAHORA MU MA DENI .FOOTBALL IRAHENZE
Bjr,
Nibyo Koko gufasha As Kigali nibyiza Kandi biba bikenewe kuko ni ikipe nziza, ahubwo As Kigali abayobozi bayo nabo ntibicare ngo Umujyi wa Kigali uzabafasha bashake ahandi bakomanga bashake abandi bafatanyabikorwa kugirango birinde ko abakinnyi bayo bamara igihe nkicyo bamaze badahembwa, urugero begereye Bralirwa cg Forrzabet na Bank de Kigali, tutaretse Equity bank abo Bose habura ababashyigikira, birinde kureba hafi barebe Kure.
Kbx ibyo uvuze nibyo bagerageze bakomange nta go umufatanyabikorwa yiza murakoze .