Ubushinjacyaha bwavuze ku warekuwe aregwa kuvuga ko ‘buri mwaka yica Umututsi’

Umuvugizi w’Ubushinjacyaha, Faustin Nkusi, yavuze ko uregwa kubwira uwarokotse Jenoside ko ‘ko buri mwaka yica umututsi’, yarekuwe by’agateganyo mu gihe iperereza rikomeje mbere y’uko hafatwa icyemezo gikurikije amategeko.

Mu Kiganiro cyihariye yahaye UMUSEKE  yagize ati “Yategetswe kujya yitaba buri wa gatanu wa nyuma w’icyumweru.”

Yakomeje agira ati”Amategeko ateganya ko uregwa ashobora gukurikiranwa afunzwe cyangwa adafunzwe hari ibigomba gukorwa mbere yo gufata umwanzuro kuri dosiye. Ubushinjacyaha buzakomeza bukore iperereza rya bwo, icyemezo kizafatwa kizamenyeshwa impande zombi.”

Uwo bikekwa ko yabwiwe amagambo arimo ingengabitekerezo ya Jenoside ndetse n’ukekwa ko yayavuze bose bari abacuruzi b’imyenda mu mujyi wa Nyanza.

Uwaregwaga kubwira uwarokotse Jenoside ‘ko buri mwaka yica umututsi ‘ yarekuwe

Theogene NSHIMIYIMANA

UMUSEKE.RW i Nyanza