Nyuma yo kuyivamo mu 2018/2019, Ruremesha Emmanuel yongeye guhabwa akazi ko gutoza Musanze FC nk’umutoza wa yo mukuru mu myaka ibiri iri imbere.
Ku wa gatatu tariki ya 9 Nyakanga 2025, ibicishije ku rukuta rwa yo rwa X yahoze ari Twitter, Musanze FC yahaye ikaze Ruremesha Emmanuel nk’uzayitoza kugeza mu 2027. Uyu mutoza yasimbuye mugenzi we, Habimana Sosthène watandukanye na yo.
N’ubwo iyi kipe yerekanye Ruremesha nk’umutoza wa yo mushya, amakuru avuga ko itararangizanya na Sosthène wari ukiyifitiye amasezerano y’umwaka umwe. Uyu mutoza mushy awa Musanze FC, yari amaze imyaka ibiri muri Muhazi United yamanutse mu cyiciro cya Kabiri. Azwi kandi mu makipe nka Gicumbi FC, Kiyovu Sports, Mukura VS n’izindi.
UMUSEKE.RW
k1hwpu