Umunyamakuru Ndahiro Valens Papy yateguje indirimbo nshya yise ‘Inkota Icuritse’, avuga ko ari imwe mu zigize ‘Album’ yahurijeho abahanzi bafite izina mu Rwanda yitegura gushyira hanze.
Avuga ko indirimbo ye yayise ‘Inkota icuritse’ mu rwego rwo gusobanura ko hari igihe umuntu aba afite impano muri we ariko ikaba itaragaragara ngo imutunge.
Ati” Hari byinshi ducamo, bitubangamira ariko ukabirengaho.”
Yasobanuye ko yari amaze imyaka itatu ategura umuzingo w’indirimbo, Album, ko kandi ubu zose zarangiye, azajya asohora imwe imwe.
Ati “ Iyo indirimbo imwe ije abantu bakayumva, ukabaha indi igihe kigeze birafasha. Mfite indirimbo n’abandi bahanzi zigera muri eshanu zanarangiye.”
Yashimiye abandi bahanzi barimo, Eric Senderi, Mico the Best, Papa Cyangwe n’abandi bagenda bamutera imbaraga mu rugendo rwe rwa muzika.
Yagiriye inama rubyiruko rufite impano, kubyaza amahirwe Igihugu cyatanze, rugakora ibibabyarira akamaro.
Ati ” Birashoboka, uruganda rwaragutse ubu umuntu ntiyakora umuziki ngo aburare.”
Umunyamakuru Ndahiro Valens Papy aherutse gutangiza sosiyete yise DECO GREEN COMPANY LTD izajya ikorera hose mu gihugu ikaba ifite intego zo gutanga akazi ku rubyiruko.
Ubwo iyi Kompanyi yatangizwaga, hagaragajwe ko izajya itanga servisi zirimo gupima no gutunganya ubutaka , iz’ubwubatsi , kwinjiza no gutunganya imiyoboro y’itumanaho, ubukerarugendo no gutunganya amashusho.
Indirimbo Papy Ndahiro Valens aheruka gukora
UMUSEKE.RW
Fantastic read! 👏 I really appreciate how clearly you explained the topic—your writing not only shows expertise but also makes the subject approachable for a wide audience. It’s rare to come across content that feels both insightful and practical at the same time. At explodingbrands.de we run a growing directory site in Germany that features businesses from many different categories. That’s why I truly value articles like yours, because they highlight how knowledge and visibility can create stronger connections between people, services, and opportunities.Keep up the great work—I’ll definitely be checking back for more of your insights! 🚀