Nyuma yo gutandukana na Etincelles FC ku bwo gutinda kumuha amasezerano, Seninga Innocent yongeye kujya gukorera akazi muri Djibouti mu ikipe ya AS Port izakina amarushanwa Nyafurika.
Ni amakuru yemejwe n’uyu mutoza abicishije ku rukuta rwe rwa X yahoze yitwa Twitter. Seninga yemeje ko yagizwe umutoza mukuru wa AS Port yo muri Djibouti.
Ati “Nishimiye gutangaza ko nagizwe umutoza mukuru wa AS Port-Djibouti mu mwaka w’imikino 2025/2026 kandi niteguye kuyobora ikipe mu marushanwa ya CAF Confederation Cup.”
Ni ku nshuro ya ku nshuro ya Kabiri uyu mutoza asubiye gukorera akazi muri Djibouti nyuma yo guca muri Gendarmerie FC muri 2024/2025 mbere yo kuza gutoza Etincelles FC mu mikino yo kwishyura.
UMUSEKE.RW
