Ikipe ya Rayon Sports Womene Football Club ikataje mu kwiyubaka, yaguze umunyezamu, Umutoni Laissa wakiniraga Forever Women Football Club y’i Nyamirambo.
Iyi kipe izahagararira u Rwanda mu marushanwa ya Cecafa y’abagore muri Nzeri uyu mwaka, ikomeje kwiyubaka. Ni yo yatangiye imyitozo mbere y’andi makipe yose akina shampiyona y’icyiciro cya mbere y’abagore.
Amakuru yizewe UMUSEKE wamenye, ahamya ko Rayon Sports WFC yamaze kumvikana na Umutoni Laissa wari umunyezamu wa Forever WFC. Uyu munyezamu uri mu bato bafite impano idasanzwe, yanatangiye imyitozo mu Nzove igisigaye ni ukumutangaza nk’umukinnyi mushya wa Murera.
Laissa araza yiyongera ku bandi barimo Mukagatete Emelyne wavuye mu Indahangarwa WFC, Niyigena Hoziyana wavuye muri Kamonyi WFC na Uwihirwe Regine wavuye muri APR WFC.
UMUSEKE.RW
Emelyne ntabwo yavuye mu Indahangarwa WFC ahubwo yayvuye muri Muhazi United WFC.Ndahamyako nta bushobozi Rayon sports WFC ifite bwo kuvana umukinnyi mu Indahangarwa WFC keretse itakimukeneye