Umutoza, Lomami Marcel yagizwe umutoza wungirije Seninga Innocent muri Etincelles FC iterwa inkunga n’Akarere ka Rubavu.
Mbere yo gutangira umwaka w’imikino 2025/2026, ikipe ya Etincelles FC ikomeje kugaragaramo impinduka zitandukanye zirimo iz’abatoza n’iz’abakinnyi. Iyi kipe iterwa inkunga n’Akarere ka Rubavu, ikomeje kugirana ibiganiro n’abakinnyi yifuza ko bazakorana uyu mwaka w’imikino.
Nyuma y’uko Kalisa François yeguye ku mpamvu ze bwite mu nshingano zo kuba umutoza wungirije muri Etincelles FC, iyi kipe yahise iha akazi Lomami Marcel wari uherutse muri Vision FC no muri Kiyovu Sports.
Lomami azakorana na Seninga Innocent wongerewe amasezerano yo gutoza iyi kipe nk’umutoza mukuru.
UMUSEKE.RW
