Ishyirahamwe ry’Umukino wa Handball mu Rwanda [FERWAHAND], ryatangaje ko irushanwa ry’Igikombe cy’Igihugu [Coupe du Rwanda], rizakinwa mu mpera z’iki cyumweru.
Irushanwa ry’uyu mwaka, biteganyijwe ko rizakinwa n’amakipe atandatu y’abagabo agabanyije mu matsinda abiri. Itsinda rya mbere ririmo APR HC, Police HC na GS Kimisagara. Irya Kabiri ririmo Nyakabanda HC, Adegi na UB Sports.
Iri rushanwa rizakinwa iminsi itatu, tariki 25-27 Nyakanga 2025, ribere ku kibuga bya Kimisagara na Petit Stade.
Ikipe ya APR HC ni yo ibitse igikombe cy’Igihugu cy’umwaka ushize yegukanye itsinze Police HC ku mukino wa nyuma.
UMUSEKE.RW
