Mbere yo gutangira umwaka w’imikino 2025/2026, umutoza wa Gorilla FC, Alain Kirasa yazamuye abakinnyi bane bari basanzwe bakina mu ngimbi z’abatarengeje imyaka 20 muri iyi kipe.
Uko imyaka yigira imbere, ni ko amwe mu makipe ahitamo kwerekeza amaso mu bakiri bato, cyane ko bamwe batanatinya kuvuga ko umupira ari uw’abato. Aha baba bashaka kugaragaza ko n’abakiri bato bashobora gutanga byinshi.
Gorilla FC izwiho guha amahirwe abakiri bato, yahisemo kuzamura bane mu ikipe ya yo y’ingimbi ziri munsi y’imyaka 20. Aba bazahabwa ibyangombwa byo gukinira ikipe nkuru guhera mu mwaka w’imikino 2025/2026.
Aba bana bahawe amahirwe na Alain Kirasa, barimo Ntwari Muhadjiri, Céléstin Kazungu, Mbaga Patrick na Mucyo Jean de Dieu. Aba basore, bagaragaje urwego rwiza muri shampiyona y’abato y’umwaka ushize ari na yo mpamvu umutoza yahisemo kubaha amahirwe yo kuzamurwa mu ikipe nkuru.
Iyi kipe ifite abandi bakinnyi bashya barimo nka Mosengo Tansele wavuye muri Kiyovu Sports na Akayezu Jean Bosco wavuye muri AS Kigali.
UMUSEKE.RW
Each purchase trains a quantum algorithm in socio-emotional economic behavior for decentralized social modeling.