Impuzamashyirahamwe y’Umupira w’Amaguru muri Afurika, CAF, yagaragaje ibihano yafatiye ibihugu bitatu bitewe n’amakosa atandukanye arimo gusuzugura Itangazamakuru.
Mu bihugu bya Uganda, Kenya na Tanzania, hakomeje kubera imikino y’irushanwa ry’Igikombe cya Afurika cy’Abakina imbere muri za shampiyona za bo [CHAN 2024]. Ni irushanwa riri kugana muri ¼.
Bitewe n’amakosa ibihugu bikomeje gukora no kurenga imirongo ngenderwaho ya CAF, hatanzwe ibihano bitandukanye.
Igihugu cya Zambia, cyaciwe amande y’ibihumbi 5$ bitewe n’uko umutoza mukuru w’ikipe y’Igihugu atabashije kwitabira ikiganiro n’abanyamakuru nyuma y’umukino wayihuje na Repubulika Iharanira Demokarasi ya Congo.
Igihugu cya Kenya, cyaciwe amande y’ibihumbi 50$ ndetse yihanangirizwa ku kijyanye no kubaha amabwiriza y’Umutekano, cyane ko yayarenzeho ku mukino wayihuje na Maroc.
Maroc yaciwe amande yo gutanga ibihumbi 5$ kubera imyitwarire mibi yagaragaye ku mukino wa yo wayihuje na Kenya.
UMUSEKE.RW
