Perezida Evariste Ndayishimiye yashyizeho abagize Guverinoma, bamwe bagaruka mu buyobozi abandi barahindurwa, ibisa n’ibitunguranye umugore witwa Marie-Chantal Nijimbere yagizwe Minisitiri w’Ingabo (Umushikirangaji wo kwivuna abansi).
Uyu mugore nta mateka y’igisirikare afite, yabaye Minisitiri w’Ubucuruzi, Ubwikorezi n’Ubukerarugendo, (2020-2024), mbere yari yabaye Minisitiri w’Itumanaho, Ikoranabuhanga n’Itangazamakuru.
Pacifique Nininahazwe ukurikirana hafi politiki y’u Burundi avuga ko Minisiteri zavuye kuri 15 hasigara 13.
Marie-Chantal Nijimbere, François Havyarimana na Lyduine Baradahana ni bo ba Minisitiri batatu bagarutse muri Guverinoma yashyizweho na Perezida Ndayishimiye.
Ni ubwambere umugore yagizwe Minisitiri w’Ingabo mu gihugu cy’u Burundi.
Undi wagarutse muri Guverinoma ni Lieutenant-Général Gabriel Nizigama Umupolisi wari wakuwe mu nshingano igihe kimwe na Général Alain Guillaume Bunyoni bashinjwa gushaka guhirika ubutegetsi.
Yagizwe Minisitiri w’Umurimo no kuzigamira abakozi ba Leta.
Minitiri w’Intebe w’iyi Guverinoma ni Nestor Ntahontuye, uyu yari amaze igihe ari Minisitiri w’Ikigega cya leta.
Undi mu bikomerezwa byo muri CNDD-FDD wagizwe Miniitiri ni Maj Gen Léonidas Ndaruzaniye wabaye Minisitiri w’Ubutegetsi bw’Igihugu, akaba yahataniraga kuba Perezida wa Sena mu Burundi cyakora uyu mwanya wegukanwe na Lieutenant-Général Gervais Ndirakobuca.
Abagize Guverinoma nshya mu Burundi ni Nestor Ntahontuye, Minisitiri w’Intebe, Minisitiri w’Ubutegetsi bw’Igihugu n’umutekano w’imbere mu gihugu, Maj Gen Léonidas Ndaruzaniye, Minisitiri w’Ingabo no kwitaho abahoze ku rugamba, Marie Chantal Nijimbere, Minisitiri w’Ubutabera, Arthemon Katihabwa, Minisitiri w’Ububanyi n’Amahanga, Edouard Bizimana, Minisitiri w’Imari n’ikigega cya leta, Alain Ndikumana; Minisitiri w’Amabuye y’agaciro n’Ubutaka, amashanyarazi, inganda n’Uburucurizi, Dr Hassan Kibeya; Minisitiri w’Ibidukikije, Ubuhinzi n’Ubworozi, Calinie Mbarushimana; Minisitii w’Ubwubatsi, n’Ubwikorezi, Jean Claude Nzobaneza; Minisitiri w’Uburezi n’Ubushakashatsi, Dr François Havyarimana; Minisitiri w’Ubuzima, Dr. Lyduine Baradahana; Minisitiri w’Umurimo n’Abakozi ba Leta, Lt Gen (Police) Gabriel Nizigama; Minisitiri w’Urubyiruko na Siporo, Lydia Nsekera; Minisitiri w’Itangazamakuru, Gabby Bugaga.
UMUSEKE.RW
