Ikipe y’Igihugu y’u Rwanda ya Basketball yasezerewe mu Gikombe cya Afurika cya Basketball [Afro-Basket] nyuma yo gutsindwa umukino wa gatatu w’amatsinda na Cap-Vert amanota 75-62.
Urugendo rw’ikipe y’Igihugu y’u Rwanda y’abagabo ya Basketball, rwatangiye ku wa 14 Kanama ubwo rwatsindwaga na Côte d’Ivoire amanota 78-70. Bucyeye ku wa 15 Kanama 2025, u Rwanda rwagarutse mu kibuga na bwo rutakaza umukino wa Kabiri.
Rwatsinzwe na Repubulika Iharanira Demokarasi ya Congo amanota 65-58. Amahirwe ya nyuma, aba basore bayatakarije imbere ya Cape Vert yabatsinze umukino wa gatatu w’amajonjora ku manota 75-62.
Ibi birasobanura ko urugendo rw’ikipe y’Igihugu y’u Rwanda mu itsinda rya mbere [A] muri iri rushanwa riri kubera muri Angola, rwasojwe mu ijoro rya tariki ya 17 uku kwezi.
UMUSEKE.RW
