Abagize itsinda ry’ikipe y’Ingabo barimo abakinnyi n’abandi bakozi batandukanye, berekeje muri Tanzania aho bitabiriye imikino y’irushanwa rya CECAFA Kagame Cup 2025.
APR FC yahagurukanye abakinnyi 22 bayobowe n’umutoza mukuru, Taleb Abderrahim. Ikipe y’Ingabo ivuga ko ijyanye intego zo kwitwara neza mu mikino ya CECAFA Kagame Cup 2025 nk’uko abakinnyi n’abatoza babyemereye ubuyobozi bwa bo.
Mu bakinnyi bagiye muri Tanzania, ntibarimo barindwi bahamagawe mu makipe y’ibihugu bya bo, barimo Mugisha Gilbert, Fitina Omborenga, Niyomugabo Claude, Ishimwe Pierre na Nduwayo Alexis bahamagawe mu Amavubi.
Abandi batajyanye n’ikipe barimo Denis Omedi na Ssekiganda Ronald berekeje mu ikipe y’igihugu ya Uganda na Mamadou Sy wagiye muri Mauritanie.
Ikipe y’Ingabo iri mu itsinda B hamwe na BUMAMURU yo mu Burundi, KMC ya Tanzania na Mlandege ya Zanzibar. Izaba Royal Village Magomeni aho yari icumbitse n’ubundi umwaka ushize yitabira iri rushanwa.
Abakinnyi 22 bajyanye n’ikipe, barimo: William Mel Togui, Djibril Quattara, Lamine Bah, Memel Dao, Aliou Souané, Richmond Lamptey, Dauda Seidu Yussif, Iraguha Hadji, Bugingo Hakim, Niyibizi Ramadhan, Niyigena Clèment, Nshimiyimana Yunussu, Ruboneka Bosco, Byiringiro Gilbert, Ngabonziza Pacifique, Ruhamyankiko Ivan, Hakizimana Adolphe, Nshimyumukiza Claude, Shyaka Bosco, Niyonkuru Iddy na Niyibizi Ramadhan.
UMUSEKE.RW
