Ikipe y’Igihugu y’u Rwanda y’umupira w’amaguru, Amavubi, yagumye ku mwanya wa 127 ku Isi ku rutonde ngarukakwezi rw’Ishyirahamwe ry’Umupira w’Amaguru ku Isi, FIFA.
Kuri uyu wa Kane, tariki ya 18 Nzeri 2025, ni bwo FIFA yasohoye urutonde ngarukakwezi rw’uko amakipe aba ahagaze bitewe n’uko aba yaritwaye muri uko kwezi.
Ni urutonde rwagaragaje ko Amavubi akiri ku mwanya wa 127, mu gihe ikipe y’Igihugu ya Espagne ikiyoboye urutonde rw’Isi, Maroc yo iracyayoboye Umugabane wa Afurika ikanaba ku mwanya wa 11 ku Isi.
U Bufaransa buri ku mwanya Kabiri, Argentine ku wa Gatatu, u Bwongereza ku wa Kane, Portugal iri ku mwanya wa Gatanu, Brésil iri ku mwanya wa Gatandatu, u Buholande buri ku mwanya wa Karindwi, u Bubiligi ku wa Munani, Croitie ku wa Cyenda mu gihe u Butaliyani buri ku mwanya wa 10 ku Isi.
Ibindi bihugu bya Afurika biri hafi kuri uru rutonde, ni Sénégal iri ku mwanya wa 18, Misiri ku mwanya wa 35, Algérie iri ku wa 38, Côte d’Ivoire iri ku mwanya wa 44 na Nigeria iri ku wa 45 ku Isi.
UMUSEKE.RW
