Umugabo Iran ivuga ko ari intasi kabuhariwe ya Israel yanyonzwe nk’uko ibinyamakuru bitandukanye muri Iran bibyemeza.
Uyu mugabo yishwe mu masaha yak are kuri uyu wa Mbere nk’uko inzego z’ubutabera z’igihugu cya Iran zabitangaje.
Ni ubwa mbere ubutabera bwa Iran bwatangaje amazina y’umuntu wa nyonzwe, akaba yitwa Bahman Choubi-asl.
Ikinyamakuru cya Minisiteri y’ubutabera muri Iran, Mizan kivuga ko uriya mugabo yari umwe mu ntasi kabuhariwe za Israel ikorera muri Iran.
Uyu mugabo ngo yafashije inzego z’ubutasi za Israel (Mossad) kugera ku makuru akomeye y’inzego z’ubutegetsi muri Iran, bifasha Israel kuyinjiramo ndetse ngo yanafashije Israel kugera ku makuru arimo inzira z’ikoranabuhanga ziganisha ku bikorwa remezo bikomeye cy’igihugu.
Choubi-asl ngo yarambagijwe na Mossad ari hanze y’igihugu cya Iran, ahabwa amasomo akomeye mu Kigo cy’abarabu ndetse nyuma ahabwa uburyo bwo gukora na n’inzego za Israel mu gusangira amakuru no gukorana n’izindi nzego z’ubutasi zitandukanye za Israel.
Iran imushinja ko yafunguriye amarembo Israel ku makuru akomeye ya Guverinoma ya Iran, atanga system ya Oracle y’icyo gihugu, anagaragaza inzira yose y’amakuru y’ikoranabuhanga abitse ibikorwa remezo by’inzenzi bya Iran akaba yarahabwaga amafaranga, uburyo bundi bwo kumufasha no kwishyurirwa ingendo zo mu mahanga.
Nyuma y’intambara yamaze igihe gito hagati ya Iran na Israel, ubutegetsi bw’i Tehran bwatangiye guhiga bukware abantu bose bukeka ko bari intasi za Israel bamwe baricwa abanda barafungwa.
UMUSEKE.RW
