Rusizi: Ubuyobozi bw’Akarere ka Rusizi bwahuye n’abarimu mbere y’uko amashurira atangira, Mayor Sindayiheba Phanuel akomoza ku myitwarire idahwitse ya bamwe mu barezi irimo ubusinzi, ubusambanyi no gutuka abayobozi.
Akarere ka Rusizi mu bizamini by’umwaka w’amashuri 2024-2025 ku rwego rw’igihugu, mu mashuri abanza kaje mu tw’imbere twitsinze neza ku mwanya wa Gatanu, naho mu cyiciro rusange kaje ku mwanya wa kane.
Muri iyi nama n’abarezi, Mayor Sindayigaya yavuze ko amakosa ya bamwe mu bariumu atakwitirirwa abarenga 4000 bakora umwuga w’uburezi mu karere.
Umuyobozi w’akarere ka Rusizi Sindayiheba Phanuel, yabwiye abarimu bari mu nama yo kwitegura itangira ry’umwaka w’amashuri 2025-2026 yabaye kuri uyu wa Gatandatu tariki ya 6 Nzeri 2025, ko hari bamwe mu barimu bo muri aka karere bandikira abayobozi batandukanye amagambo atarimo icyubahiro, abandi bagaragarwaho ubusinzi n’ibindi bitarimo indangagaciro z’Umunyarwanda.
Ati “Nanjye hari abanyohererje mesaje zintuka. Hari n’abazoherereje abayobozi bo ku urwego rukuru.”
Yavuze ko abo batahagararira abandi barimu 4,600 bose bari mu mwuga. Uyu muyobozi asaba abariumu b’imico myiza gufasha bagenzi babo kugira ngo bahinduke.
Yabibukije ko uwanga guhinduka hari itegeko rimuhana.
Ati “Nimufashe abo bantu guhinduka mube nkore neza bandebereho, uwitwaye nabi tumuhugure mu kinyabupfura ariko narenga umurongo itegeko rirahari kugira ngo ridufashe kumugarura mu nzira nziza.”
MUHIRE Donatien
UMUSEKE.RW/RUSIZI.
