Ikipe y’Igihugu y’u Rwanda y’umupira w’amaguru y’abagore [She-Amavubi], yamanutseho imyanya ibiri ku rutonde ngarukakwezi rw’Ishyirahamwe ry’Umupira w’Amaguru ku Isi [FIFA].
Ku wa 7 Kanama 2025, ni bwo uru rutonde rwasohotse. She-Amavubi, yisanze ku mwanya wa 168 ku Isi ivuye ku w’166. Bivuze ko u Rwanda rwamanutseho imyanya ibiri mu Bagore.
Ku Mugabane wa Afurika, Amavubi y’Abagore ari ku mwanya wa 34. Ni mu gihe urutonde ruyobowe na Espagne yasimbuye Leta Zunze Ubumwe za Amerika mu gihe u Bwongereza buheruka kwegukana EURO 2025 ari ubwa kane.
Nyuma yo kwegukana Igikombe cya Afurika 2025 itsinze Maroc ibitego 3-2, Nigeria ni yo iyoboye urutonde ngarukakwezi ku Mugabane wa Afurika, mu gihe ku Isi iri ku mwanya wa 36.
Amavubi yamanutseho imyanya ibiri ku rutonde ngarukakwezi rwa FIFA
UMUSEKE.RW
