Mbere y’uko itangira shampiyona 2025/2026, Bugesera FC yemeje ko yasinyanye amasezerano y’Imikoranire n’uruganda rwa Poultry East Africa Ltd rukora ubworozi bw’inkoko mu Akarere ka Bugesera.
Aya masezerano y’ubufatanye, yashyizweho umukono kuri uyu wa Gatanu. Abarimo Meya, Mutabazi Richard w’Akarere ka Bugesera, ubuyobozi bwa ‘Cooko’ ndetse n’abagize Komite Nyobozi y’ikipe bayobowe na Rutayisire Jackson uyiyobora, bari bitabiriye uyu muhango.
Uru ruganda, rukora ubworozi bw’inkoko, rukanatunganya umusaruro ukomoka kuri ubu bworozi, rwasinyanye amasezerano n’iyi kipe afite agaciro ka miliyoni 100 Frw mu myaka yemeranyijweho n’impande zombi.
Ikipe ya Bugesera FC izajya yambara imyenda iriho ibirango by’uyu mufatanyabikorwa wa yo ndetse inamwamamaze ku mikino yakiriye kuri Stade ya Bugesera.
UMUSEKE.RW
