Minisiteri y’Ubuzima muri Repubulika Iharanira Demokaarsi ya Congo ivuga ko abantu 127 barwaye icyorezo cy’ubushita bw’inkende (Mpox) hagati ya 23-29 Kamena uyu mwaka.
Iyi Minisiteri ivuga ko abarwayi ba Mpox bari mu myaka iri hagati ya 15 na 34.
Mu mwaka ushize, Ishyirahamwe ry’Abaganga Batagira Imipaka Médecins Sans Frontières (MSF), ryatangaje ko abantu 654 ari bo bamaze kwicwa n’icyorezo cy’ubushita bw’inkende (mpox)
Ni mu gihe Minisiteri y’ubuzima muri Congo yo ivuga ko “ Kuva muri 2024 kugera muri Kamena uyu mwaka , abantu 89.109 bamaze kugaragarwaho Mpox .Ni mu gihe abantu 603.338 bamaze gukingirwa iyi ndwara.
Minisiteri y’ubuzima ivuga ko ikomeje ibikorwa byo kugenzura abantu bamaze kwandura ubu burwayi hirindwa ko yakwirakwira.
Kuva muri 2023 iki cyorezo cya Mpox kigaragara muri Congo, cyagaragaye mu ntara ya Kivu y’Epfo ,iya Ruguru , mu mujyi wa Kinshasa, , Kasaï, Tshopo, Tanganyika, Haut-Katangana na Mai-Ndonbe.
UMUSEKE.RW
